Rom for språk : nye innsikter i språkleg mangfald

Kva er det som skal til for at språkleg mangfald skal slå positivt ut for individ og for samfunn? Korleis kan idealet om språkleg mangfald verta forpliktande? Og korleis forstår og handterer ulike samfunn språkleg mangfald – utan at det vert eit problem? ... Dette er blant spørsmåla som vert analyserte og drøfta i denne boka. Artiklane i boka er grupperte i tre delar. Den første delen handlar om korleis språkleg mangfald kan handterast gjennom språkpolitikk. Den andre delen handlar om dei kognitive romma for språkleg mangfald. Den tredje delen handlar om korleis språkleg mangfald vert forstått og praktisert av ulike språkbrukarar. Artikkelforfattarane er språkforskarar frå Noreg, Sverige, Finland, Færøyane og Canada.